Faol kitobxonlar mukofotlanadi

Date:

2026-yil 15-yanvarda qabul qilingan Prezidentning PQ–9-son qaroriga muvofiq, 2026–2030-yillarda aholining kitobxonlik darajasini yiliga o‘rtacha 10 ta kitobga yetkazish maqsadi belgilandi. Mazkur qaror doirasida kitob mutolaasini keng targ‘ib etish va rag‘batlantirishga qaratilgan muhim chora-tadbirlar amalga oshiriladi.

Qarorga asosan, Yoshlar ishlari agentligi huzurida Kitobxonlik madaniyatini rivojlantirish jamg‘armasi tashkil etildi. Jamg‘arma mablag‘lari yosh yozuvchilar va bolalar adabiyotini qo‘llab-quvvatlash, iste’dodli mualliflarga bir yilgacha BHMning 50 baravari miqdorida oylik to‘lash, shuningdek xorijiy va milliy asarlarni tarjima qilish hamda nashr etish xarajatlarini qoplashga yo‘naltiriladi.

Ish joylarida ham kitobxonlikni rag‘batlantirish kuchaytiriladi. Jumladan, kasbiy adabiyotlar ro‘yxati shakllantiriladi, xorijiy kitoblar o‘zbek tiliga tarjima qilinadi, “Kitob burchagi” va “Kitob o‘qish soati” joriy etiladi hamda kitobxonlik reytingi yuritiladi. Eng ko‘p kitob o‘qigan xodim esa bir oylik maoshi miqdorida pul mukofoti bilan taqdirlanadi.

Shuningdek, ta’lim muassasalarida ham faol kitobxonlar rag‘batlantiriladi. Eng ko‘p kitob o‘qigan top-100 nafar o‘quvchi va talabaning har biri BHMning 25 baravari miqdorida mukofot bilan taqdirlanadi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

EKOLOGIK BILIM VA TASHABBUSLAR BELLASHUVI

Yosh avlodda ekologik madaniyatni yuksaltirish, tabiatga mas’uliyatli munosabatni shakllantirish...

Polvonlik shaʼni va mardlik sharafi ulugʻlanmoqda

Surxon vohasida azaldan mardlik, jasorat va polvonlik qadrlangan. Bugun...

Vazn toifasida tengsiz

Yoshlarning sport maydonlarida erishayotgan yutuqlari nafaqat ularning shaxsiy muvaffaqiyati,...

KITOBXON YOSHLAR SAFI KENGAYMOQDA

Oltinsoy tumanidagi 64-sonli umumiy o‘rta ta’lim maktabida o‘quvchilar o‘rtasida...
KunTun
KunTun