“Termiz” umumqo‘shin dala poligonida Surxondaryo viloyati ekologiya boshqarmasi hamda harbiy qo‘mondonlik hamkorligida ekologiyaga bag‘ishlangan amaliy seminar o‘tkazildi. Tadbir “Yashil makon” umummilliy loyihasi doirasida o‘tkazilib, hududni ko‘kalamzorlashtirish, ekologik muhitni yaxshilash va harbiy xizmatchilarda tabiatga e’tibor madaniyatini shakllantirishni maqsad qildi.
Seminarda mutaxassislar paligonning tabiiy sharoiti va iqlimiga mos daraxt turlarini tanlash, ularni to‘g‘ri parvarishlash va suv tejovchi usullarda o‘stirish bo‘yicha tavsiyalar berdilar. Ishtirokchilar amaliy tarzda daraxt ko‘chatlarini ekish ishlarida ham qatnashdilar.
Mazkur tashabbus ekologik barqarorlikni ta’minlash, harbiylar o‘rtasida tabiatga mas’uliyatli munosabatni kuchaytirish va atrof-muhitni asrash bo‘yicha muhim qadamlardan biri bo‘ldi.
