Oliy Majlis Senatining o‘n birinchi yalpi majlisida “O‘zbekiston Respublikasining Ma’muriy javobgarlik to‘g‘risidagi kodeksiga qo‘shimcha va o‘zgartirishlar kiritish to‘g‘risida”gi Qonun ko‘rib chiqildi.
Qonun bilan yo‘l harakati xavfsizligi sohasidagi ayrim kam ahamiyatli huquqbuzarliklar uchun ma’muriy ogohlantirish jazosi joriy etilmoqda. Shuningdek, foto va video qayd etish texnika vositalari orqali aniqlanadigan qoidabuzarliklarning turlari hamda ular bo‘yicha jazo qo‘llash muddatlari aniq belgilandi.
Endilikda maxsus texnika vositalari orqali qayd etilgan yo‘l harakati qoidabuzarliklari uchun ma’muriy jazo huquqbuzarlik sodir etilgan kundan boshlab bir oy ichida qo‘llanilishi tartibi belgilandi.
Qonun senatorlar tomonidan ma’qullandi.
