Endilikda oddiy fuqarolar ham elektr energiyasi ishlab chiqarib, davlatga sotish orqali daromad olish imkoniyatiga ega. Tomga o‘rnatilgan quyosh panellari nafaqat energiya ishlab chiqaradi, balki qo‘shimcha daromad ham keltiradi. Bu mablagʻlar davlat soliq qoʻmitasining “Soliq” mobil ilovasi orqali fuqarolarning bank kartalariga toʻgʻridan-toʻgʻri oʻtkazib berilmoqda.
Sho‘rchilik Jamshid Begmatov 5 oy oldin o‘z xonadoniga quyosh paneli o‘rnatgan va bugungi kunda bu tizimdan foyda ko‘rmoqda.
— Quyosh paneli o‘rnatdim, — deydi Jamshid Begmatov. — Bu nafaqat energiyani tejaydi, balki ortiqcha ishlab chiqarilgan energiya uchun davlat tomonidan pul ham to‘lab berilmoqda. Avvallari elektr energiyasiga ko‘p xarajat qilardik, endi esa bu xarajatlar sezilarli darajada kamaydi.
Quyosh panellari ekologik tozaligi bilan birga, aholining iqtisodiy barqarorligini ta’minlashda ham muhim o‘rin tutmoqda.
