Xitoyning Pekin shahrida Shanxay hamkorlik tashkiloti universitetlarining VIII Energetika konferensiyasi boshlandi. North China Electric Power University (NCEPU) mezbonligida o‘tayotgan ushbu nufuzli anjumanda Xitoy, Rossiya, O‘zbekiston, Qozog‘iston va boshqa mamlakatlarning yetakchi oliy ta’lim muassasalari hamda ilmiy markazlari vakillari qatnashmoqda.
Konferensiyada energetika sohasida hamkorlikni mustahkamlash, qo‘shma ilmiy-tadqiqot loyihalari, innovatsion ishlanmalar va ta’lim dasturlarini rivojlantirish bo‘yicha yangi tashabbuslar muhokama qilinmoqda. Termiz davlat muhandislik va agrotexnologiyalar universiteti delegatsiyasi ham rektor Rasul To‘rayev boshchiligida ishtirok etib, o‘zaro tajriba almashmoqda, hamkorlikdagi istiqbolli loyihalar yuzasidan fikrlar bildirmoqda.
Bu ishtirok universitetimizning xalqaro nufuzini oshirish, talabalar va yosh olimlar uchun yangi imkoniyatlar yaratishda muhim qadam bo‘lib xizmat qiladi.
