Atrof-muhitni muhofaza qilish nafaqat tabiat, balki jamiyat hayoti va kelajak avlod salomatligi uchun ham beqiyos ahamiyatga ega. Shu bois ekologik qonunlarga rioya qilish har bir fuqaroning burchidir. Qumqo‘rg‘on tumanida o‘tkazilgan reyd davomida “Surxon” daryosi bo‘yida fuqaro B.J.ga tegishli og‘ir texnika harakatlangani aniqlandi. Bu kabi harakatlar daryo oqimiga, suv resurslariga va ekologik muvozanatga salbiy ta’sir ko‘rsatib, butun hudud aholisi hayotiga xavf tug‘dirishi mumkin.
Mazkur qonunbuzarlik yuzasidan fuqaro B.J.ga nisbatan Ma’muriy javobgarlik to‘g‘risidagi kodeksning 82-moddasi asosida bayonnoma rasmiylashtirilib, 4 million 120 ming so‘m jarima qo‘llanildi. Mutasaddilar ta’kidlaganidek, tabiatga e’tiborsizlik oxir-oqibat jamiyatning o‘ziga qaytadi. Ekologik qonunlarga amal qilish esa nafaqat bugungi kun uchun, balki farzandlarimiz va nabiralarimiz uchun ham sog‘lom va farovon hayotni ta’minlash demakdir.
