Jarqo‘rg‘on tuman prokurori K. Turakulov tomonidan tumaning “Avlod” mahallasi “mahalla yettilik” a’zolari ishtirokida yig‘ilish o‘tkazildi. Unda O‘zbekiston Respublikasi Prezidentining 03.01.2025-yildagi “2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ-1-sonli Qarori ijrosini ta’minlash masalalari ko‘rib chiqildi.
Shuningdek, O‘zbekiston Respublikasi Vazirlar Mahkamasining 30.11.2024-yildagi 801-sonli qarori – “Obod va xavfsiz mahalla” tamoyili asosida mahallalarda ijtimoiy profilaktika tizimi samaradorligini oshirish chora-tadbirlari ijrosi yuzasidan berilgan xulosalar atroflicha muhokama qilindi.
Tanqidiy tahlil jarayonida mahallada amalga oshirilayotgan ijtimoiy profilaktika tadbirlarini o‘tkazish va ularning samaradorligi bo‘yicha mavjud muammolar ko‘rsatib o‘tildi, kamchiliklarni bartaraf etish uchun aniq choralar belgilandi. Yig‘ilish yakunida mas’ullarga tegishli ko‘rsatma va topshiriqlar berildi.
