Prezidentimiz tomonidan ilgari surilgan tashabbus asosida, o‘quvchi-yoshlarning yozgi ta’til davrida bo‘sh vaqtlarini mazmunli va samarali tashkil etish, ularni madaniy, ma’rifiy va sport tadbirlariga faol jalb qilish, sog‘lomlashtirish va har tomonlama rivojlantirish maqsadida ishlab chiqilgan “Dolzarb 90 kun” loyihasi yo‘lga qo‘yilganidan xabaringiz bor. Loyiha doirasida Angor tumanida mahallalarning 18 yoshdan 30 yoshgacha bo‘lgan o‘g‘il-qizlari oʻrtasida “Surxon birdamligi” musobaqasining tuman bosqichi boʻlib oʻtdi.
Musobaqada qizlar va oʻgʻil bolalardan iborat jamoalar oʻrtasida sportning arqon tortish, tosh ko‘tarish, armresting, avtomobil tortish, shina aylantirish yoʻnalishlarda kuch sinashdi. Ushbu dastur yoshlar o‘rtasida sog‘lom turmush tarzini targ‘ib qilish va sportga bo‘lgan qiziqishini oshirishga, bo‘sh vaqtlarini mazmunli o‘tkazishga qaratilgan.
Dinara
