“Obod xonadon, obod ko‘cha, obod mahalla” targ‘iboti doirasida Sherobod tumanining “Oltin voha” mahallasida hashar ishlari jadal suratlarda olib borilmoqda. Tadbirlar davomida har bir ko‘cha, har bir xonadon obodonlashtirilib, hudud tozaligi va ko‘rkamligi ta’minlanmoqda.
Hashar jarayonida yo‘llar atrofi va piyodalar yo‘laklari tozalanib, daraxtlar oqlanmoqda, yashil hududlar tartibga keltirilmoqda, ariq va zovurlar tozalanib, chiqindilar olib chiqilmoqda. Shuningdek, mahalla infratuzilmasini yaxshilash bo‘yicha amaliy ishlar ham izchil davom ettirilmoqda.
Ushbu jarayonlarda mahalla faollari, yoshlar, xonadon egalari hamda mas’ul tashkilot vakillari uyushqoqlik bilan ishtirok etmoqda.
