Inson sevimli mashg‘uloti bilan band bo‘lsagina, vaqti mazmunli o‘tadi. Ayniqsa, bu mashg‘ulot san’at bilan bog‘liq bo‘lsa, kishiga estetik ruh bag‘ishlaydi. Termiz iqtisodiyot va servis universitetida talabalar bo‘sh vaqtini mazmunli tashkil etish, shuningdek, yoshlarda san’at va madaniyatga bo‘lgan qiziqishini oshirish maqsadida rassomchilik to‘garagi tashkil etilgan.
Mazkur to‘garak doirasida talabalar tasviriy san’atning asosiy yo‘nalishlari bilan tanishib, o‘z ijodiy qobiliyatlarini rivojlantirish imkoniyatiga ega bo‘lmoqda. Mashg‘ulotlarda rassomchilik mahoratini oshirish, chizmachilik va rangtasvir bo‘yicha amaliy ko‘nikmalarni egallash, milliy va jahon san’ati namunalarini o‘rganish kabi yo‘nalishlarga alohida e’tibor qaratilgan.
