Imkoniyatlar kengayadi

Hududlarning investitsion jozibadorligini oshirish, yangi ish o‘rinlari yaratish va aholi turmush darajasini yanada yuksaltirish bugungi kunning muhim masalasidir. Viloyat hokimi Ulug‘bek Qosimov Jarqo‘rg‘on tumanida bo‘lib, qator yangi loyihalar bilan tanishdi.
Tashrif davomida tumanning “Kunchiqish” mahallasida “Agroqurilish” MCHJning “Surxon Park” dam olish maskani, “Markaziy Surxon” mahallasida “Chinni Oy Servis” MCHJning logistika markazi, shuningdek, “Omad Denov” xususiy korxonasining qurilish materiallari savdo va xizmat ko‘rsatish nuqtalari qurilishiga tamal toshi qo‘yildi.
Ushbu loyihalar qurilishi yakunlanib, o‘z faoliyatini boshlasa, yangi ish o‘rinlari yaratiladi, aholi uchun savdo va xizmat ko‘rsatish imkoniyatlari kengayadi.