Turkiyadan 104 nafar sayyoh Surxondaryo viloyatining go‘zal go‘shalaridan biri — Sherobod tumaniga tashrif buyurdi. Tashrif davomida mehmonlar tuman hududidagi diqqatga sazovor maskanlar, tarixiy obidalar va ziyoratgohlar bilan yaqindan tanishdilar.
Ularga milliy qadriyatlarimiz, me’moriy meroslarimiz, hamda mahalliy aholining mehmondo‘stligi katta taassurot qoldirdi. Sayyohlar “Sherobodning betakror tabiati, tinch muhiti va qadimiy tarix bilan uyg‘unlashgan hayoti bizda chuqur taassurot qoldirdi”, deya o‘z hayajonlarini ifoda etdilar.
Hudud turizmi istiqbolli yo‘nalishlardan biri bo‘lib, xorijlik mehmonlar oqimi buni amalda isbotlamoqda.
