Oltinsoy tumanidagi “Mo‘minqul” mahallasiga “Obod xonadon, obod ko‘cha, obod mahalla” mezonlari asosida infratuzilmani yaxshilash ishlari amalga oshirilmoqda. Hozirda mahallada 1 kilometrdan ortiq ichki yo‘llar asfaltlandi. Elektr energiyasi va ichimlik suvi tarmoqlari ta’mirlanib, yangilari tortilyapti.
Ko‘chalar obodonlashtirilib, ijtimoiy himoyaga muhtoj oilalarning turmush sharoitlarini yaxshilash hamda aholi bandligini ta’minlash maqsadida “voish” usulida uzum yetishtirish ishlari ham olib borilmoqda.
Viloyat hokimi Ulug‘bek Qosimov mazkur mahallada bo‘lib, amalga oshirilayotgan ishlar bilan tanishdi hamda mutasaddilarga ishlarni jadallashtirish, aholi turmush sharoitlarini yanada yaxshilash bo‘yicha ko‘rsatmalar berdi.
