Termiz shahrida keng ko‘lamli obodonlashtirish ishlari, yo‘l va piyodalar yo‘laklarini ta’mirlash, yangilarini qurish hamda ular atrofida yashil hududlar barpo etish ishlari izchil davom etmoqda.
Viloyat hokimi shaharning chekka hududlarida amalga oshirilayotgan yo‘l qurilishi, obodonlashtirish ishlari va chiqindilarni o‘z vaqtida olib chiqish holatini o‘rgandi. Tashrif davomida amalga oshirilishi lozim bo‘lgan vazifalar belgilandi hamda infratuzilmani yanada yaxshilash bo‘yicha tegishli chora-tadbirlar rejalashtirildi.
