Surxondaryo viloyati hokimi Ulug‘bek Qosimov Tailand qirolligi Oliy patriarxi o‘rinbosari Phrathepprasitthimon Siriprommakun, Tailand qirolligining sobiq bosh vaziri, “Pxiya Txai” partiyasi asoschisining maslahatchisi Prem Truyeknonda va Surxondaryo viloyatining Tailanddagi turizm elchisi Phansak Boonsophonponglarni qabul qildi.
Uchrashuvda Surxondaryo viloyatida saqlanib qolgan ko‘plab buddizm obyektlariga har yili Tailand, Xitoy, Yaponiya, Indoneziya va Koreya kabi davlatlardan 10 minga yaqin sayyohlar tashrif buyurishi, o‘zlarining kichik diniy amallarini bajarishi qayd etilib, sayyohlar oqimini 50 mingga yetkazish, buddizm arxeologik yodgorliklarni restavratsiya qilishda Tailand qirolligi investitsiyalarini jalb qilish masalalari muhokama qilindi.
Tomonlar muhokama qilingan masalalar yuzasidan hamkorlikni yo‘lga qo‘yish hamda kelgusida o‘zaro ishonchli muloqotni davom ettirgan holda istiqbolli kelishuvlarga erishilishini qayd etdi.
