Termiz iqtisodiyot va servis universiteti professor-o‘qituvchilari Oltinsoy tumanidagi 16-, 17-, 18-, 44- hamda 48-umumta’lim maktablarida bo‘lishdi va maktab o‘qituvchilarini metodik qo‘llab-quvvatlash maqsadida master-klass o‘tib berishdi.
Mashg‘ulotlar davomida chet tillari fanlarini o‘qitishda uslubiy tavsiyalar berildi. Fanga oid elektron adabiyotlar va qoʻllanmalar tarqatildi. Shu bilan birgalikda, yangi pedagogik texnologiyalarni joriy qilishda hamkorlikni izchil yo‘lga qo‘yish, belgilangan tartibda onlayn mashgʻulotlar oʻtkazishga kelishib olindi.
