Tanqid emas, harakat muhim

“Daraxtlar kesilmoqda, tabiat yo‘qolmoqda”. Bunday gap-so‘zlar, albatta, og‘riqli haqiqat. Ammo yana bir haqiqat bor: yuragida yashillik muhabbati bo‘lganlar jim emas. Ular harakatda.
Masalan, M-39 xalqaro yo‘lining Termizdan Sherobodgacha bo‘lgan 61 kilometr masofasida 290 mingdan ortiq daraxt ko‘chatlari ekildi. Ilgari qarovsiz yastanib yotgan bu yerlar bugun yashil kamarga aylanmoqda.
Faqat ekib qo‘yish bilangina ish bitmaydi. Mazkur yo‘lning 122 kilometr maydoniga zamonaviy sug‘orish tizimlari o‘rnatildi. 32 ta suv havzasi yaratildi. Yomg‘irlatib sug‘orish texnologiyasi ishga tushirildi. Bu — faqat tabiatga emas, kelajakka qo‘yilgan jondir!
Shunday ekan, ko‘zimizni faqat kesilgan daraxtlarga emas, ekilayotgan daraxtlarga ham tuta bilaylik.