Surxondaryo viloyati Favqulodda vaziyatlar boshqarmasi tizimiga yangi qabul qilingan xodimlar uchun tashkil etilgan boshlang‘ich tayyorgarlik o‘quv kursi yakunlandi.

Kurs davomida tinglovchilarning nazariy bilimlari, amaliy ko‘nikmalari, jismoniy tayyorgarligi hamda favqulodda vaziyatlarda tezkor va to‘g‘ri harakatlanish qobiliyati yakuniy sinovlar orqali baholandi.
Sinovlardan muvaffaqiyatli o‘tgan tinglovchilarga kursni tamomlaganlik sertifikatlari tantanali ravishda topshirildi.

Endilikda ular egallagan bilim va ko‘nikmalarini xizmat faoliyatida qo‘llab, favqulodda vaziyatlarning oldini olish, aholi xavfsizligini ta’minlash va inson hayotini asrashga hissa qo‘shadi.
Zulfiya Sohibova,
Surxondaryo FVB Axborot va jamoatchilik bilan aloqalar xizmati yetakchi mutaxassisi

