Tojikiston Respublikasi poytaxti Dushanbe shahrida «Золотое яблочко» ijod akademiyasi tomonidan tashkil etilgan XII xalqaro «Моя звезда» musiqiy-badiiy ijodiyot tanlov-festivali bo‘lib o‘tdi.
Unda Termiz shahar 2-sonli Bolalar musiqa va san’at maktabining 14 nafar o‘quvchisi ishtirok etib, o‘z iste’dodi va mahoratini namoyish etdi.
Quvonarlisi, yosh san’at ixlosmandlarining barchasi tanlov sovrindorlariga aylandi. Jumladan, 6 nafar o‘quvchi Gran-pri, 4 nafari birinchi, yana 4 nafari ikkinchi o‘rinni qo‘lga kiritdi.
Ushbu natijalar yosh iste’dodlarning izlanishlari, ustozlarning mashaqqatli mehnati va san’at ta’limida olib borilayotgan ishlarning samarasini namoyon etadi.

