Birdamlik ila mahalla obod

Vohamizda keng ko‘lamli obodonlashtirish ishlari amalga oshirildi. Ayni ishlar Jarqo‘rg‘on tumanidagi “Guliston” mahallasida ham qizg‘in tus olgan. Shu bilan birga gulistonliklar hashar yo‘li bilan 70 ta xonadon uchun yangi transformator o‘rnatishdi. Bu esa elektr ta’minotining barqarorligini oshirishga xizmat qildi.
Shuningdek, mahallada 17 ta yangi beton ustunlar o‘rnatilib, elektr uzatish tarmoqlari yangilandi. Ushbu ishlar mahalla aholisining farovon hayot kechirishi va elektr energiyasi bilan barqaror ta’minlashga qaratilgan.
Tashabbuskor va fidokor fuqarolar hashar yo‘li bilan ushbu ezgu ishlarga o‘z hissalarini qo‘shdilar. Natijada, mahallaning infratuzilmasi yanada mustahkamlanib, aholining turmush sharoitlari yaxshilandi.