Gʻalla maydonlari yomgʻirlatib sugʻoriladi

Qishloq xoʻjaligi sohasida olib borilayotgan ishlar talaygina. Jumladan, Qiziriq tumanining “Mustaqillik” hududida faoliyat yuritib kelayotgan “Navbur Yogʻdu” MCHJga qarashli 23 gektarlik gʻalla maydoniga quruvchi tashkilot “Maxsus suv xizmati” MCHJ tomonidan yomgʻirlatib sugʻorish texnologiyasi joriy qilindi.
Ushbu texnologiyadan sugʻorish ishlari jarayonida qanday foydalanishni o’rgatish maqsadida tumandagi fermer xoʻjaliklari va yerdan foydalanuvchilar ishtirokida koʻrgazmali seminar boʻlib oʻtdi. Seminar davomida ishtirokchilarga mutaxassislar tomonidan tizimning afzalliklari, farqli jihatlari hamda davlat tomonidan Suv tejovchi texnologiyalarni joriy etgan yerdan foydalanuvchilarga yaratilgan imtiyoz va imkoniyatlar toʻgʻrisida maʼlumotlar berildi.