Mashg‘ulot qiziqarli kechdi

Lego o‘ynash, undan nimalarnidir yasash bolajonlarning sevimli mashg‘uloti. Shunchaki, ularga lego bering va maroq ila kuzatish. Bir muddat o‘tib, mashina, robot, samolyot va yana qandaydir ajoyib ixtirolar qilinishining guvohi bo‘lasiz. Bolalar yaratayotgan bu ixtirolar ularni yaratuvchanlikka, ijodkorlikka boshlayapti.
“Konstruktor lego” to‘garagining iqtidorli o‘quvchilari tomonidan tashkil etilgan mashg‘ulot ham ana shunday qiziqarli kechdi. To‘garak aʼzolari mazkur mashg‘ulot davomida erkin mavzuda o‘z bilim va ko‘nikmalarini oshirishga muvaffaq bo‘lishdi.
Mashg‘ulot davomida to‘garak aʼzolari tomonidan tayyorlangan video lavhalar namoyish etildi. O‘quvchi-yoshlarga bilim berish va ularning qiziqishlarini rag‘batlantirish bo‘yicha amaliy ishlar olib borildi.
Shuningdek, Qumqo‘rg‘on tumani “Barkamol avlod” bolalar maktabi faoliyati doirasida mavjud to‘garaklar, ulardagi shart-sharoitlar va imkoniyatlar haqida iqtidorli o‘quvchi-yoshlar va ota-onalarga batafsil maʼlumot berildi.