Raqibiga bo‘sh kelmay…

Mongoliya poytaxti Ulan-Batorda kurash bo‘yicha yoshlar va o‘smirlar o‘rtasida jahon chempionati bo‘lib o‘tmoqda. O‘z kuchiga ishongan, raqibini yer tishlatishga tayyor, chaqqon va zabardast yosh polvonlar tashirf buyurgan musobaqa har jihatdan qiziqarli va murosasiz kurashlarga boy bo‘lishi bilan bir qatorda, mahoratlar, usullar o‘rganishning fursati ham bo‘ldi.
Yosh polvonlar davraga chiqib, bor mahoratlarini namoyish etishdi. Kimdir g‘oliblik hissini tuyishgan bo‘lsa, kimlarningdir kuragi yerga tegib, hali tayyorgarligi bir oz yetmaganini-da anglashiga sabab bo‘lgan chempionatda yurtimiz sportchilari ham raqiblariga bo‘sh kelishmadi.
Surxondaryolik yosh sportchi Ibrohim Jovliyev 46 kilogramm vazn toifasida qatnashib, uchinchi o‘rinni egalladi.