Barchasi sovrindor…

Surxondaryolik yoshlar sportda ham muvaffaqiyat quchib, o‘z mahoratlarini namoyish etmoqda. Buni Taekvondo WTF bo‘yicha X-Osiyo va Tinch okeani o‘yinlarida hamyurtlarimiz ishtirokini, shuningdek, jamoa orasida vohadoshimiz Doniyorbek Toshmirzayev ham borligidan bilish mumkin.
Malayziya poytaxti Kuala-Lumpurda kar va zaif eshituvchilar o‘rtasida bo‘lib o‘tgan X-Osiyo va Tinch okeani o‘yinlarida taekvondo (WTF) bo‘yicha 24 davlatidan kelgan eng kuchli dayan ustalari o‘zaro kuch sinashdilar. Jamoalar o‘rtasida kechgan jang murosasiz bahslarga boy bo‘ldi. Quvonarlisi, umumjamoa hisobida O‘zbekiston terma jamoasi 2-o‘rinni egalladi.
Yakunda 9 ta sportchimizning barchasi sovrinli o‘rinlarni egallab, jami 1 ta oltin, 6 ta kumush, 2 ta bronza medalini qo‘lga kiritdi.