Finalga yo‘llanma naqd

Qo‘l jangi sport turida asosan qo‘l harakatlari bilan hujum qilinar ekan, sportchining nafaqat jismoniy kuchi, zarbalari, tezkorligi, balki aqliy jihatdan ham tezkorlik ila harakat qilishi, raqibning nozik jihatlarini anglab olib, qanday yengish bo‘yicha strategiyani ishlab chiqqan bo‘lishi lozim. Ana shundagina g‘alaba aniq deyaverish mumkin.
Buxoro shahrida joylashgan “Yangi Buxoro” sport majmuasida qo‘l jangi bo‘yicha “Yoshlar va o‘smirlar o‘rtasidagi Jahon chempionati” o‘tkazildi. Ushbu chempionatda ishtirokchilar ham jismonan, ham aqlan kuch va imkoniyatlarini ishga solib, kurash olib bordilar. Jarayonlarni kuztaish tomoshabinlar uchun ham maroqli kechdi.
Quvonarlisi, ushbu qizg‘in bellashuvlarda Odil Xolmurodovning shogirdi surxondaryolik Husniddin Ro‘ziyev ham 73 kilogramm vaznda ishtirok etib, hozirda final yo‘llanmasini qo‘lga kiritdi.