Bayram shodiyonalari arafasida…

Tinib tinchimas tadbirkor va ishbilarmonlarimiz o‘z ishlarini kengaytirish bilan birga yangi ish o‘rinlari yaratishmoqda. Qolaversa, ishlab chiqarish va xizmat turlarini taklif etib, xalq joniga ora kirayotgani ham rost. To‘yga to‘yona bilan deganlaridek, Mustaqilligimizning 33 yilligi arafasida Sho‘rchi tumanidagi “Hamroh” savdo markazining 21 filiali foydalanishga topshirildi.
7 ming turdagi sifatli buyumlarni hech qanday bosh to‘lovlarsiz, kredit asosida xarid qilish imkoniyati bo‘lgan ushbu savdo markazining yangi filialida 18 nafar ishsizning bandligi ta’minlandi. Savdo markazining ochilish marosimida hokimlik mutasaddilari hamda keng jamoatchilik vakillari ishtirok etib, ko‘pning xursandchiligiga sherik bo‘ldilar.