Sportda sinaldi…

Uzoq umr ko‘rish garovi sog‘lom turmush tarziga amal qilish, jismoniy harakatlarni, piyoda yurishni, sport mashg‘ulotlarini kanda qilmaslikdir. Ana shundagina inson tanasiga hech bir dard yaqin yo‘lay olmaydi. Shu ma’noda jismoniy tarbiya va sportni ommalashtirish, aholining sportga bo‘lgan qiziqishini oshirish, sog‘lom turmush tarzi madaniyatini shakllantirish, immunitetini mustahkamlash, salomatlikni ta’minlashda sport bilan muntazam shug‘ullanishning ahamiyatini oshirish maqsadida ko‘plab tadbirlar, loyiha va aksiyalar uyushtirilmoqda.
Joriy yilning avgust-sentyabr oylarida 30-70 yosh va undan katta yoshdagi aholidan, jumladan, mahalla tizimi xodimlaridan sport sinovlari qabul qilishga start berildi. sho‘rchi tumanida ham “Jismoniy tayyorgarlik darajasi” sport sinovlari targ‘ibotini amalga oshirish maqsadida tadbir tashkil etildi. Tadbirda yosh-u keksa birdek qiziqish bildirib, faol ishtirok etishdi.