Davlat xizmatlarining sifati oshiriladi

Bugun aholining ko‘rsatilayotgan davlat xizmatlaridan ko‘ngli to‘q. Vaqti tejalayotgani, ortiqcha sarsongarchiliklarga chek qo‘yilgani ayni haqiqat. Ammo bunday xizmatlar ko‘rsatishning sifati yanada oshirilishining imkoni bor. Ayni maqsadda Adliya vazirligi ishchi guruhi a’zosi U.Sadikov Surxondaryo viloyat adliya boshqarmasi rahbariyati bilan birgalikda Sherobod tumanida Davlat xizmatlari ko‘rsatuvchi tashkilotlarning rahbar va mas’ul xodimlari ishtirokida, sohada yuzaga kelayotgan muammolar va davlat xizmatlari ko‘rsatish sifatini oshirish bo‘yicha seminar o‘tkazdi.
Seminarda sohada yuzaga kelayotgan muammolar tahlil qilindi. Mutaxassislarning fikrlari, munosabatlari, taklif va tavsiyalariga quloq tutildi. Shundan so‘ng, davlat xizmatlari ko‘rsatish sifatini oshirish bo‘yicha mas’ullarga tegishli tushuncha va ko‘rsatmalar berildi.