“Yosh gvardiyachilar” sayohatda

Umumta’lim maktablarda “Yosh gvardiyachilar” sinflari tashkil etilganidan xabaringiz bor. Yana ma’lumki, ular maxsus kiyim-boshlarda tengdoshlarining havasini uyg‘otayotgani ham rost. O‘z navbatida bu libos, maxsus sinflarga yuklatilgan vazifa va topshiriqlar ularning mas’uliyatini yanada oshirganini o‘tgan qisqa fursat ichida ko‘rish, sezish mumkin bo‘ldi.
Yozgi ta’tilning boshlanishi bilan esa Milliy Gvardiyaning Surxondaryo viloyati bo‘yicha boshqarmasi tashabbusi bilan Jarqo‘rg‘on tumanidagi 36- hamda 66-sonli umumiy o‘rta ta’lim maktablarining “Yosh gvardiyachilar” sinf o‘quvchilari uchun sayohat tashkil etildi. Sayohat davomida o‘quvchilar uchun Termiz shahridagi “Harbiylar bog‘i”, Al Hakim at Termiziy ziyoratgohi hamda Arxeologiya muzeyiga sayohat qilib, olam-olam taassurotlar olishdi.