TerDU talabalari Buxoroda

Ta’til ta’tilday bo‘lishi uchun Termiz davlat universitetining bir guruh talabalari azim Buxoro viloyatiga tashrif buyurdilar. Yo‘l taassurotlaridan olam-olam zavq olgan yigit-qizlar manzilga yetgach, Bahouddin Naqshband, Buxoro arki, Labihovuz, Minorai kalon va yana bir qator tarixiy qadamjolarda bo‘lishdi.
Buxoro tarixi, madaniyati, urf-odatlari bilan yaqindan tanishdilar. Ayniqsa, sayohatchi yoshlar muqaddas qadamjolar haqidagi qimmatli ma’lumotlarga ham ega bo‘ldilar. Jannatmakon yurtimizning turli go‘shalari bilan tanishish, sayr-u sayohat qilish imkoni borligi aholiga katta qulayliklar yaratib berayotir. Turizm sohasi sayyohlarga biro lam taassurot hadya etish bilan birga tarix bilan yuzlashishga, madaniyatimiz, qadriyatlarimiz bilan tanishishga, san’atga oshno bo‘lishga, o‘z oldimizga aniq maqsadlar qo‘yishimizga ham turtki bo‘layotir.