O‘ral baxshi muxlislar qurshovida

Navro‘z sayllarida Surxon diyorining turli nuqtalaridan tashrif buyurgan mehmonlar muhtasham saroyda bezatilgan povilyonlarda kezar ekan, tomosha zavqiga berilgan. Ko‘rgazmalar bilan birga, bir tomonda folklor jamoalarning sho‘x-shodon yallalari qulog‘ingizga chalinsa, baxshi va oqinlarning ovozi, do‘mbiralarining sadosi ham e’tiboringizni tortmay qo‘ymaydi.
Bosun povilyonida jo‘shib kuylayotgan O‘ral baxshi Rahimovni muxlislari qurshab olgan. Baxshi uchun bundan ortiq baxt bordi? Bundan jo‘shgan O‘ral baxshi esa har bir tomoshabinni aytimlariga qo‘shib, she’r qilib kuylashga tutingan. O‘zi haqida eshitgan ta’rifdan har bir tomoshabinning qalbi quvonchga to‘ladi.
Ustozi Shoberdi baxshining oq fotihasini olgan O‘ral baxshi o‘nlab dostonlarni yod biladi, qo‘yib bersangiz, o‘n kecha-yu o‘n kunduz to‘xtamay, Alpomish-u Kuntug‘mishdan aytaberadi.