G‘oliblar aniqlandi

Har bir yosh talaba bo‘lishni orzu qiladi va shu yo‘lda tinimsiz o‘qiydi, izlanadi, harakat qiladi. Talaba bo‘lganidan keyin esa talabalik baxtiga osonlik bilan erishib bo‘lmasligini tushunib yetadi. Ho‘sh, talabalik yoshlar hayotida qanday ahamiyat kasb etadi? Nimalar o‘zgaradi, nimalarni tushib yetadi? Termiz iqtisodiyot va servis universiteti talabalari o‘rtasida “Talabalik – oltin davrim” va “Universitet mening hayotimda” mavzusida e’lon qilingan maqola va videoroliklar tanlovida ijodiy ishlar orqali ayni savollarga javob topish mumkin bo‘ldi.
Tanlovga talabalar tomonidan 60 ga yaqin maqola va videoroliklar kelib tushdi. Maqola va videoroliklar hakamlar tomonidan tanlov uchun belgilangan talablar asosida tahlil qilindi va ko‘rib chiqildi. Muhokamalar natijasida hakamlar hayʼati tomonidan eng yaxshi videorolik hamda maqola mualliflari aniqlanib, munosib taqdirlandilar.