Kaftdek yerdan mo‘l hosil

Date:

Erta bahorda bozor rastalarida terib qo‘yilgan qulupnaylar ko‘zlarimizni quvnatib, ishtahamizni ochadi. Yangilikdan tatib ko‘rishga shoshamiz. Qulupnay ekib, qizarguncha bo‘lgan jarayon va mashaqqatlari haqida ko‘p ham o‘ylab o‘tirmaymiz. Buni qulupnay yetishtirishda anchagina tajribaga ega sho‘rchilik Sarvar Abdurahmonovadan-da yaxshi biladigan bo‘lmasa kerak. Kaftdekkina yeridan mo‘l hosil oladigan opaning qulupnaylari allaqachon qizarib, fevral oyidanoq sotuvga chiqqan edi. Mazasi og‘izda qoladigan qulupnaylar Sarvar opaga mo‘maygina daromad keltirdi.

— To‘g‘ri, qulupnay yetishtirish kamxarjdir, ammo juda mehnattalab, — deydi S. Abdurahmonova. — Tibbiyot birlashmasida hamshira bo‘lib ishlasam-da, yerga mehr berib, nihol ko‘kartirishni yoqtiraman. Mehnatimning rohatini nihollarim hosil tukkanda sezaman. Qulupnayning orqasidan kam bo‘lmadim, ro‘zg‘orimiz but, turmushimiz farovon. Qiz uzatib, kelin oldik. Halol mehnat yerda qolmas ekan.
“Oftobmakon”lik dehqonlar yetishtirgan qulupnaylar serhosil va hushta’m. Ularning mehnati tuman bozor va do‘konlarida bo‘y ko‘rsatayotir.

S.Murodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

“MARDLAR MAYDONI”: TERMIZDA XALQARO KURAŞ TURNIRI ÖTKAZILADI

Kuraş — xalqimizning milliy qadriyatlari, mardlik, jasorat va halollik...

Toshkent sahnasida “Momo yer”

Toshkentdagi Muqimiy teatrida Respublika teatr festivali doirasida Surxondaryo, Samarqand...

Hakim Termiziy merosi dunyo olimlari nigohida

Termiz shahridagi Imom Termiziy xalqaro ilmiy-tadqiqot markazida buyuk alloma...

O‘quvchilar harbiylar bilan uchrashdi

Denov tumanidagi 76-sonli umumta’lim maktabida Xayrabod garnizonida joylashgan harbiy...
KunTun
KunTun