Foydalanishga topshirildi

Date:

Boshlang‘ich bilimlar, tasavvur va dunyoqarash bog‘chada shakllanadi. Biror sohaga qiziqish, til o‘rganishga ishtiyoq bolani yo‘naltiradi. Sherobod tumani “Chuqurko‘l” mahallasida 499 nafar bola bog‘chaga bormaydi.

Istasa ham bora olmaydi. Sababi yaqin hududda birorta ham maktabgacha ta’lim tashkiloti yo‘q edi. Bir tasavvur qiling-a, maktabga qabul qilingan bog‘chaga borgan va bormagan o‘quvchi o‘rtasida qanchalik farq sezilar ekan. Demak, o‘z-o‘zidan ayonki, farzandimiz hayotida boy berayotganimiz jiddiy masala.
Masalaga yechim sifatida mahallada yengil konstruktsiya asosida qisqa muddatlarda 38-sonli davlat maktabgacha ta’lim tashkiloti qurilib, foydalanishga topshirildi. Natijada mahalladagi 3-7 yoshgacha bo‘lgan 120 nafar bola bog‘chaga qamrab olindi. Ularning 90 nafari kuni uzaytirilgan, 30 nafari qisqa guruhlarga qabul qilindi. 19 nafar mahalliy ishsiz aholi vakillari ishga qabul qilindi.

Bolalarning quvonchi cheksiz. Barcha shart-sharoitlar yaratilgan binoda endi ular ko‘ngildagidan ta’lim-tarbiya oladilar. Ochilish marosimi katta tantanaga aylanib ketdi.

Ayni shunday maktabgacha ta’lim tashkiloti Boysun tumanining “To‘da” mahallasida ham bo‘y ko‘rsatdi va 150 nafari bolajon bog‘chaga boradigan bo‘ldi.
Viloyatda 3-7 yoshgacha bo‘lgan bolalarni maktabgacha ta’lim tashkilotlariga qamrab olish bo‘yicha ishlar tizimli ravishda davom ettirilmoqda.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

“MARDLAR MAYDONI”: TERMIZDA XALQARO KURAŞ TURNIRI ÖTKAZILADI

Kuraş — xalqimizning milliy qadriyatlari, mardlik, jasorat va halollik...

Toshkent sahnasida “Momo yer”

Toshkentdagi Muqimiy teatrida Respublika teatr festivali doirasida Surxondaryo, Samarqand...

Hakim Termiziy merosi dunyo olimlari nigohida

Termiz shahridagi Imom Termiziy xalqaro ilmiy-tadqiqot markazida buyuk alloma...

O‘quvchilar harbiylar bilan uchrashdi

Denov tumanidagi 76-sonli umumta’lim maktabida Xayrabod garnizonida joylashgan harbiy...
KunTun
KunTun