Bizga maktab kerak…

Haqiatan ham bizga maktab kerak. Farzandlarimiz, yosh avlod bilimli, salohiyatli, ko‘ngil ko‘zi ochiq, ma’rifatli bo‘lib yetishishi kerak. Shu sababdan ham o‘g‘il-qizlarimizning ta’lim-tarbiyasiga katta e’tibor qaratib, qattiqqo‘llik bilan yondashayapmiz. Barcha fanlarni puxta o‘zlashtirib, til o‘rganishsin. Ilm-fanda, texnologiyada muvaffaqiyatga erishishsin.
Taniqli adib va dramaturg Qo‘chqor Norqobilning “Bizga maktab kerak… yoxud Zamon Avloniysi ” dramasi ham ana shunday maqsadni ko‘zlagani bilan keng jaoatchilik e’tiborini torta oldi. Drama premyerasi Muqimiy nomidagi O‘zbekiston Davlat musiqali teatrida bo‘lib o‘tdi.
O‘qituvchi va maktab ulug‘langan, muallimni chin ma’noda zamon qahramoni darajasiga ko‘targan ushbu asar yurtimizda Ustoz haqidagi ilk eng yaxshi sahna namoyishlaridan biri bo‘ldi va murabbiyga qo‘yilgan ulkan haykal deya e’tirof etilayotir.