Oliy o‘rinlarni egallashdi

Qoraqalpoq davlat universitetida oliy ta’lim muassasalari o‘rtasida matematika fani bo‘yicha Muhammad al-Xorazmiy nomidagi II Xalqaro olimpiadasi bo‘lib o‘tdi. Olimpiadada 40 dan ortiq oliy ta’lim muassasalaridan 200 dan ortiq talaba-yosh ishtirok etdi.
Bilimlar qat’iy sinov shartlarida sinashta bo‘ldi. Hakamlar odillik va shaffoflik bilan ishtirokchilarni baholashga, bilimli va iqtidorli yoshlarni yuzaga chiqarishga harakat qildilar. Quvonarlisi, mazkur olimpiadada Termiz davlat universiteti fizika-matematika fakulteti matematika ta’lim yo‘nalishida tahsil olayotgan 4 nafar talaba ishtirok etib, ularning 3 nafari oliy o‘rinlarni egallashga muvaffaq bo‘lishdi.
Ya’ni Shahnoza Turopova bronza, Hojiakbar Aminov kumush medalni qo‘lga kiritgan bo‘lsa, Sirojiddin Beg‘amov oltin medalga sazovor bo‘ldi.