Qizlar bo‘sh kelmadi

Sport kamtarlik bilan ziynatlangan insonninggina ko‘rkidir. Qaysidir sport turini yovuzlik, zo‘ravonlik ishlatish maqsadida o‘rganib bo‘lmaydi. Shu sababdan ham sportda trenerlik qiladigan ustoz ana shu jihatlarga e’tibor qaratadi. Sariosiyo tumanidagi 6-umumta’lim maktabining bir guruh o‘quvchi-qizlari ham sportning karate turini o‘rganishar ekan, o‘zlarini chiniqtirish, jismoniy imkoniyatlarini ishga solishni maqsad qildilar. Buni sezgan murabbiylar ham shogirdlarini qo‘llab-quvvatladilar.
Maktabning o‘quvchilari bo‘lmish Mohinur Xudoyorova, Mehriniso Narzullayeva va Shabnam Tursunovalar ham muddati yetib sport musobaqalarida qatnashib, o‘zlarini ko‘rsata boshladilar. Bu safar esa qizlar ilk marta O‘zbekistonda sportning shotakan karate-do turi bo‘yicha o‘tkazilgan 13-jahon chempionatida muvaffaqiyatli ishtirok etib, mamlakatimiz sharafini munosib himoya qildilar.
Musobaqa natijalariga ko‘ra, Mehriniso Narzullayeva 1 ta oltin, 1 ta bronza medali, Mohinur Xudoyorova 2 ta kumush, 1 ta bronza medali, Shabnam Tursunova Shabnam kumush medalini qo‘lga kiritdi.