Ikkinchi mavsumi start oldi

“Besh tashabbus” olimpiadasi mahalla yoshlarining vaqtini mazmunli tashkil etish bilan birga iqtidor va harakatlarini to‘g‘ri baholash, munosib rag‘batlantirishga xizmat qilmoqda. Mahalla yoshlari bilan bir qatorda maktab o‘quvchilarini-da qamrab olayotgan olimpiadaning ikkinchi mavsumiga start berildi. Qumqo‘rg‘on tumanidagi 33-sonli umumiy o‘rta ta’lim maktabida mavsumning ochilishiga bag‘ishlangan tadbir bo‘lib o‘tdi.
Tadbir doirasida musobaqa va tanlovlar boshlab yuborildi. O‘quvchi-yoshlar esa faollik ko‘rsatib, o‘zlarini sinab ko‘rdilar. “Besh tashabbus” olimpiadasining ikkinchi mavsumida “Quvnoq startlar”, “Yengil atletika” va “Zakovat” musobaqalari o‘tkazildi. Ishtirokchilar o‘z jismoniy mahoratlarini ishga solib, epchilligi va chaqqoligi qay darajada ekanini ko‘rsata oldilar.
Tadbir so‘ngida musobaqada g‘olib bo‘lgan ishtirokchilar keyingi bosqich uchun yo‘llanmani qo‘lga kiritishdi va diplom hamda qimmatbaho sovg‘alar bilan taqdirlandilar.