Angorda yo‘llar ta’mirlanmoqda

Yo‘limiz ravon bo‘lsa, manzilga zumda yetib boramiz. Bugungi kunda boshqa sohalar qatori yo‘lsozlikka ham katta e’tibor qaratilgan. Baysi hududga bormaylik, chekka va olis qishloq va ovullar bo‘ladimi, ichki yo‘llarigacha toshlanib, asfaltlanayotir. Albatta, amalga oshirilayotgan bunday ishlardan mahalliy aholining quvonchi cheksiz.
Ana shunday ishlar Angor tumanida ham davom etdi. Tumandagi 4K-603 “Angor-Navshahar temir yo‘l stansiyasi”ga olib boruvchi avtomobil yo‘lini ta’mirlash ishlari davom etmoqda. Yo‘lning umumiy uzunligi 10 kilometr bo‘lib, bugungi kunda yoʻlning 9-10 kilometr oraligʻida ta’mirlash ishlari olib borilmoqda. Bu yoʻl Chinobod, Navshahar va Do‘stlik mahallalarini tuman markazi bilan bog‘lashga xizmat qiladi.
Angor tumani hokimi Qosim Mardonov, tuman prokurori Sirojiddin Ramazonov hamda mas’ullar olib borilayotgan ishlarni nazorat qildi va ta’mirlash ishlarini o‘z vaqtida sifatli yakunlash bo‘yicha kerakli topshiriq va ko‘rsatmalar berildi.