Denov tumanidagi 101-son umumiy o‘rta ta’lim maktabida “Davraga kel, dugonajon!” nomli ma’naviy-ma’rifiy tadbir o‘tkazildi.
Unda o‘quvchi-qizlar bilan oila qadriyatlari, odob-axloq, milliy an’analar, ta’lim va kelajak kasbini tanlash haqida suhbatlashildi. Xotin-qizlarning ta’lim olishi, kasb-hunar egallashi, tadbirkorlik qilishi va bandligini ta’minlash uchun yaratilayotgan imkoniyatlar ham tushuntirildi.
Tadbirning badiiy qismida qizlar she’r, sahna ko‘rinishlari va musiqiy chiqishlari bilan o‘z iqtidorini namoyish etdi.
Asosiysi, bunday uchrashuvlar qizlarni nafaqat bugungi hayotga, balki mustaqil kelajak sari dadil qadam tashlashga tayyorlaydi.
