Bandixon tumanining “Bandixon” mahallasida nuroniylar va yoshlar ishtirokida 5000 qadamlik piyoda yurishlar muntazam davom etmoqda.
Navbatdagi yurishda ishtirokchilar tuman sport maktabida badantarbiya mashqlarini bajarib, so‘ng 5000 qadamlik piyoda yurish marafonida qatnashdi. Tashabbus “Nuroniy” jamg‘armasi tuman bo‘limi va hamkor tashkilotlar tomonidan yo‘lga qo‘yilgan.
Yurishlarda faol qatnashayotgan nuroniylarning shaxsiy namunasi esa yoshlarni ham harakatga chorlamoqda. Mahallada sog‘lom turmush tarzi targ‘ibotdan ko‘ra, amaliy odatga aylanib bormoqda.
