Sariosiyo tumanidagi Abu Ali ibn Sino nomidagi Jamoat salomatligi texnikumida bitiruvchi yoshlar uchun bo‘sh ish o‘rinlari mehnat yarmarkasi tashkil etildi.
Unda tuman hokimi Odiljon Yaqubov, ish beruvchi tashkilotlar vakillari va bitiruvchi yoshlar ishtirok etdi. Yarmarkada mavjud bo‘sh ish o‘rinlari taqdim etilib, yoshlarning ishga joylashishi, mehnat huquqlari va bandlik imkoniyatlari yuzasidan amaliy maslahatlar berildi.
Tadbirda yoshlarni doimiy ish bilan ta’minlash, ularning kasbiy salohiyatini ro‘yobga chiqarish hamda tadbirkorlik tashabbuslarini qo‘llab-quvvatlash bo‘yicha mas’ullarga vazifalar belgilandi.
