Xiva shahridagi “Arda Xiva” turizm majmuasida 19–20-sentyabr kunlari II xalqaro “Xorazm xonlari milliy taomlari” gastronomik festivali bo‘lib o‘tdi.
Festivalda Turkiya, Qozog‘iston, Qirg‘iziston, Tojikiston, Ozarbayjon, Gruziya, Hindiston, Xitoy, Janubiy Koreya va Italiya vakillari milliy taomlarini namoyish etdi.
Milliy taomlarni tayyorlash va taqdim etish mahorati bo‘yicha o‘tkazilgan tanlovda Surxondaryo viloyati jamoasi hakamlar qaroriga ko‘ra 1-o‘rinni egalladi. G‘olib jamoaga 60 million so‘mlik mukofot puli sertifikati topshirildi.
Surxondaryolik oshpazlarning ushbu yutug‘i vohaning milliy taomlari va gastronomik an’analarini kengroq targ‘ib etish uchun yana bir imkoniyat bo‘ldi.
