O‘zbekistonda hujayra texnologiyalari va zamonaviy davolash usullarini rivojlantirishga qaratilgan yangi markaz tashkil etiladi.
Fanlar akademiyasining Ilg‘or texnologiyalar markazida yo‘lga qo‘yilayotgan loyiha doirasida ildiz hujayralari banki hamda genom tadqiqotlari imkoniyatlari yagona ilmiy platformaga birlashtiriladi.
Bugungi kunda bankda 1 200 dan ortiq ildiz hujayra namunasi saqlanmoqda. «O‘zbekistonning 1000 genomi» loyihasi orqali esa 1 200 dan ortiq ishtirokchiga oid qariyb 10 million genetik marker jamlangan.
Biome loyihasi ushbu ilmiy salohiyatni klinik tibbiyot bilan bog‘lab, hujayra texnologiyalarini amaliyotga yaqinlashtirishga xizmat qiladi.
