Yozgi ta’til kunlarida bolalarning mazmunli hordiq chiqarishini ta’minlash, ularning estetik didi va ijodiy dunyoqarashini boyitishga qaratilgan madaniy tadbirlar izchil davom etmoqda.
Surxondaryo viloyati Qo‘g‘irchoq teatri ijodiy jamoasi Oltinsoy tumanidagi “Vaxshivor” oromgohida “Malikaxon mo‘jizalar saltanatida” nomli musiqiy dastur bilan chiqish qildi.
Ochiq osmon ostida tashkil etilgan tomoshada bolalar sevimli ertak qahramonlari bilan uchrashib, qiziqarli sahna ko‘rinishlari, kuy-qo‘shiqlar va interaktiv chiqishlardan zavq oldilar. Tadbir yosh avlodning bo‘sh vaqtini mazmunli tashkil etish, kitobxonlik va san’atga qiziqishini oshirish hamda ularga unutilmas taassurot ulashishga xizmat qildi.
