Ta’lim tizimidagi natijadorlikni oshirish, mavjud muammolarni joyida aniqlash va amaliy yechimlar ishlab chiqish maktabgacha ta’lim sifatini ta’minlashning muhim omillaridan biridir. Shu maqsadda Surxondaryo viloyatida vazirlik ishchi guruhi tomonidan kompleks o‘rganish ishlari boshlandi.
Shu munosabat bilan viloyat Maktabgacha va maktab ta’limi boshqarmasida yig‘ilish o‘tkazilib, o‘rganish jarayonlarini samarali tashkil etish, davlat maktabgacha ta’lim tashkilotlari faoliyatini tahlil qilish hamda tizimdagi mavjud muammo va kamchiliklarni aniqlash masalalari muhokama qilindi.
O‘rganishlar davomida ta’lim-tarbiya sifati, boshqaruv samaradorligi, xizmat intizomi va kasbiy odob-axloq me’yorlariga rioya etilishi baholanadi. Yakunda aniqlangan kamchiliklarni bartaraf etish bo‘yicha amaliy tavsiyalar ishlab chiqilib, tashkilotlarga uslubiy ko‘mak ko‘rsatilishi hamda tizimni yanada takomillashtirishga qaratilgan chora-tadbirlar belgilanishi rejalashtirilgan.
