Qulay yashash muhiti, avvalo, ishonchli infratuzilmadan boshlanadi. Qumqo‘rg‘on tumanining “Neftchilar” mahallasida aynan shu yo‘nalishda muhim amaliy ish yakunlandi.
Sherobod kanalidan tomorqa maydonlari hamda aholi xonadonlarini suv bilan ta’minlashga xizmat qiluvchi nosoz oqova suv tarmog‘i va nasos ta’mirlanib, qayta ishga tushirildi. Natijada 10 ta ko‘p qavatli uy va 100 ga yaqin xonadon barqaror suv ta’minotiga ega bo‘ldi.
Amalga oshirilgan ishlar bilan tanishish maqsadida tuman hokimi Farrux Xoliqov mahallaga tashrif buyurib, aholi bilan muloqot qildi. U tomorqa yerlaridan unumli foydalanish, suvni tejash, qishloq xo‘jaligi mahsulotlari yetishtirish hamda hududlarni yanada ko‘kalamzorlashtirish yuzasidan tegishli tavsiya va topshiriqlar berdi.
Ushbu loyiha nafaqat suv ta’minotini yaxshiladi, balki mahalla infratuzilmasini mustahkamlash, tomorqachilikni rivojlantirish va aholi turmush sifatini oshirish yo‘lidagi muhim qadamlardan biri bo‘ldi.
