Yoz mavsumida aholi xavfsizligini ta’minlash, favqulodda vaziyatlarning oldini olish hamda bolalarning mazmunli dam olishini tashkil etish maqsadida “Dolzarb 60 kun” tadbirlari izchil davom ettirilmoqda.
Shu doirada Termiz shahar Favqulodda vaziyatlar bo‘limi xodimlari Surxondaryo viloyati Suv ta’minoti MCHJda yong‘in va favqulodda vaziyatlarning oldini olish, xavfsizlik qoidalariga rioya etish yuzasidan profilaktik tushuntirish ishlarini olib bordi.
Shuningdek, Termiz shahridagi 22-sonli maxsus maktabgacha ta’lim tashkilotida o‘tkazilgan “Unutilmas suv shou” tadbiri bolajonlarga yozgi ta’tilni mazmunli o‘tkazish, quvonchli onlarni boshdan kechirish va unutilmas taassurotlarga ega bo‘lish imkonini yaratdi.
Mazkur tadbirlar aholining xavfsizlik madaniyatini yuksaltirish bilan birga, yosh avlodning sog‘lom va mazmunli hordiq chiqarishini ta’minlashga xizmat qilmoqda.
