Sportda yuksak natijalar ko‘rsatish nafaqat shaxsiy muvaffaqiyat, balki ta’lim muassasasining obro‘sini oshiruvchi muhim omildir. Termiz davlat universiteti vakili yana bir bor yurtimiz sport maydonida muvaffaqiyat qozondi.
Toshkent shahrida o‘tkazilgan parayengil atletika bo‘yicha O‘zbekiston chempionatida Termiz davlat universiteti sport faoliyati fakulteti dotsenti Chariyev Ulug‘bek munosib ishtirok etdi.
Nayza uloqtirish bahslarida barcha raqiblarini ortda qoldirib, 1-o‘rinni egalladi va O‘zbekiston chempioni unvoniga sazovor bo‘ldi. Shuningdek, 100 metrga yugurish musobaqasida ham kuchli natija ko‘rsatib, 2-o‘rinni qo‘lga kiritdi.
