Hududlarda zamonaviy infratuzilmani rivojlantirish va aholi uchun qulay yashash sharoitlarini yaratishga qaratilgan bunyodkorlik ishlari izchil davom etmoqda. Ana shunday loyihalardan biri Muzrabot tumanining Yangi diyor mahallasida amalga oshirilmoqda.
“Yangi O‘zbekiston qiyofasi kirib boradigan mahalla” dasturi doirasida mahallaning asosiy ko‘chasida 723 million so‘m mablag‘ evaziga asfalt yo‘l va zamonaviy piyodalar yo‘laklari qurilmoqda.
Muzrabot tumani hokimi Abdulla Mamatqulov obyektga tashrif buyurib, qurilish ishlarining borishi, sifati va muddatlariga rioya etilishini o‘rgandi. Shuningdek, mas’ullarga yo‘l infratuzilmasini sifatli va mustahkam barpo etish yuzasidan tegishli topshiriqlar berdi.
Mazkur bunyodkorlik ishlari mahallaning zamonaviy qiyofasini shakllantirish, transport qatnovi xavfsizligi va aholining turmush farovonligini yanada oshirishga xizmat qiladi.
